Петрлэн ӧпкелёнэз. Иисус Христослэн азьпалан возмась курадӟонъёсыз сярысь веранэз.

Христослэн музъем вылын улонэзлэн дырыз йылпумъяське ни вал. Нош Солэн быдэс дунне вылын Евангелиез ивортыны быръем апостолъёсыз дасесь ӧй вал на быдэстыны та быдӟым ужез.

Соин ик Кузё-Инмар ӵемгес кыльылӥз дышетскисьёсыныз, соослы, Мессия музъем вылын эксэй луыны кулэ шуыса, пӧечи валанъёссылэсь мозмытскыны юрттӥз.

Со вакытэ улӥсь мукет еврейёс сямен ик, апостолъёс возьмазы, Мессия Израилез быдӟым кун кароз шуыса. Но Христос дышетӥз Инмар Эксэйлык сярысь, кудӥз та дуннелэсь ӧвӧл. Огпол Утись дышетскисьёсыныз лыктӥз Иудеялэн уйшор палъёсаз — Филипп Кесариялэн котыръёсаз. Та кузь сюрес дыръя Иисус малпаз матысь апостолъёсызлы усьтыны Аслаз Инмар луонэз сярысь зэмлыкез.

Кузё-Инмар юаз соослэсь: «Кин шуыса лыдъяло адямиос Монэ, Адями Пиез? Апостолъёс шуизы, Со сярысь калык пушкын туж пӧртэм малпанъёс ветло. Ирод эксэйлэн котыраз Иисусэз улӟем Иоанн Пылатӥсен лыдъяло. Калык нош Сое одӥгез Вуж Сӥзёнысь быдӟым пророк Илия яке Иеремия шуэ. Апостолъёслэн верамзы возьматӥз, иудейёс Иисусэз Назаретысь дунне Утись, Мессия шуыса ӧз адӟе.

Соку Христос юаз апостолъёслэсь: «Нош тӥ Монэ кинэн лыдъяськоды?» Шӧдтэк шорысь Петрлэн ымпушкысьтыз вань апостолъёслэн нимынызы таӵе ӟырдыт оскон кылъёс чузъяськизы: «Тон Христос, Улэп Инмарлэн Пиез!»

Та кылъёсты верам бераз, Петр кылӥз: «Шудо тон, Ионалэн пиез Симон, тыныд сое лулмугор но вир ӧз усьтэ, но Инмысь Атаймы».

Та вал быдӟым осконэз шара ивортон. Апостолъёс, огшоры чорыгасьёс, Дышетӥсьсы пушкысь, Кудӥзлы йырзэ поныны но инты ӧй вал, осконлэн синмыныз адӟизы Мессияез, Инмар Пиез. Христослэн Черкез, изкар кадь юн но вошъяськисьтэм инъет басьтӥз. Со инъет луиз Петр апостоллы усьтэм но соин оскыса верам быдӟым зэмлык.

Кузё-Инмар вазиське Петрлы паймымон кылъёсын: «Тон — Петр, та из вылын Мон Черкме кылдыто, но адлэн капкаосыз Сое уз ворме; тыныд сёто Инэксэйлыклэсь усьтэтъёссэ: мае думылӥд музъем вылын, со ик думылӥськоз инмын, нош мае пертчылӥд музъем вылын, со ик  пертчылэмын луоз инмын но.

Петр апостоллэн нимыныз Утись кужым сётз вань апостолъёслы но соослэсь ужзэс азьланьтсьёслы — епископъёслы но пресвитеръёслы. Та кужымен соос куштозы сьӧлыкъёсты но бурмытозы лулмугор висёнъёсты.

Петрлы верам кылъёсыз бере, Кузё-Инмар сӥзе апостолъёсты Аслаз утён подвигезлэн быдӟым лушкемлыказ: Со кужмо эксэй кадь музъем вылэ ӧз лыкты, нош Ас вылаз дуннелэсь сьӧлыкъёссэ басьтӥсь Инмарлэн Ыжпиез кадь.

Адямиосты утён понна, Солы Иерусалимын трос курадӟоно луоз кивалтӥсьёслэсь, первосвященникъёслэсь, книга тодӥсьёслэсь. Сое возьма кулон, но куинетӥ нуналаз со кулэмысь улӟыса султоз.
Кузё-Инмар та сярысь туж валамон, чик котыръятэк вераз. Дышетскисьёсыз талы дасесь ӧй вал — соослэн валамзыя, курадӟон но кулон Мессиялэн данлыкеныз уг тупа. Петрлы чидантэм вал кылыны яратоно дышетӥсезлэсь та кылъёссэ. Христосэз палэнэ ӧтьыса, со пумитъяськыны кутскиз: «Кузё-Инмаре, жаля Астэ. Медаз луы озьы Тонэн». Христос Петрлы туж юн вераз: «Кош Мон дорысь, сатана, тон Мынэсьтым визьме сынаськод». Кызьы Утись Петрлэн осконзэ верамез бере, ассэ ӧз, но солэсь осконзэ Черклэн инъетэз кариз, озьы ик али но Со Петрез ӧз, но солэсь ляблыксэ сатана шуиз.

Адямилэн лулмугорыз ляб, со пегӟыны тырше курадӟонъёслэсь но каньыл, майбыр улонэз утча. Сыӵе сюрес вылэ сое донге сьӧд пери, кудӥзлэн потэ адямиез быдтэмез.

Христослэн но Солэн дышетскисьёсызлэн сыӵе сюрессы ӧвӧл. Со яратонлэн но астэ курбонэ сётонлэн сюресэз. Адямилы куштӥськыны кулэ ас сьӧлыко эрикезлэсь. Христосэз яратонмы понна асьмеос дась луыны кулэ курадӟыны, пӧртэм шуг-секытъёсты потыны но кулыны но. Озьы гинэ утьыны луоз лулдэ быронтэм улон понна. Нош адямилэн лулыз дунне вылысь вань узырлыкъёслэсь но дуногес.

#Духовное_просвещение

Добавить комментарий

Ваш e-mail не будет опубликован. Обязательные поля помечены *